*PANG FRIENDSTER 'TO!

*Kung pang-mayaman ang kotse mo, lalo na kung may mercedes benz o bmw ka , di mawawala sa karamihan ng mga nag ma-may ari ang mag pose kapiling nito .. At ito ang matindi, mga caption gaya ng "this is my baby", "my new toy" , "car ko" ,at kung sagad-sagaran ka binibigyan mo ng pangalan ang kotse mo na animoy ikaw ang parents nito.*

*Tawag ko dito ay STARBUCKS pose, dahil siguro sa mahal ang kape dito, dapat sulitin ang binayaran mo sa pamamagitan ng pagpapa-piktyur kapiling ang cup na dapat kita ang tatak para masabi na ito ang lugar na tina-tambayan mo*

*Mapa-kubeta man, banyo o public comfort room, isang click lang ng digicam o camera phone mo ..instant pang friendster photo na 'to!*

*Panahon ito noong di pa uso ang digital camera, kung gusto mo ng mas high quality piktyur at parang pang modelo pose, punta ka sa photo studio at sa halagang P60.00 , may 4 wallet size picture ka na, 2 medium size at 1 big size para i-frame pang pader nyo. Bonus pa ang tips ng photographer kung pano mag pose with matching light effects at kaakit-akit na background. Kung gusto mo ng karagdagang kopya, balik ka lang sa studio sigurado may file sila ng mga negatives ng litrato mo.*

*Ito ang caption ng piktyur na 'to - "MY BLACKBERRY " ... Reeeeeeeeeaaaally!?!? ....'san naman ang picture ng laptop mo? your Gucci bag? ang trip mo sa Paris? yung I-phone pa ? siguro may Play Station ka rin? your digicam SLR? ang Louis Vuitton mo? ... post na rin natin dito! *

*Magsuot ng dark o itim na kasuotan, takpan ng bangs ang isang mata, wag ngumiti sa kodakan at kung kaya ng powers mong mag-lagay ng heavy eyeliner sa paligid ng mata ,samahan mo pa ng makabagdamdaming emo hand sign e di may EMO LOOK ka na!

*Ito naman ang pose sa tapat ng mamahaling tindahan at kung may shopping bag ka or supot na may tatak nito, sayang kung di mo isasama sa litrato mo para patunay na di kalang nagpa-piktyur dito, bumili ka pa!

SOSYAL di ba?*